တော်လှန်ရေးနေ့  (မတ်လ ၂၇) ရက်နေ့  အထိမ်းအမှတ်အဖြစ် -ပြည်သူ့ တပ်မတော်သားများအား ဂုဏ်ပြု မှတ်တမ်းတင်ခြင်း။

တော်လှန်ရေးနေ့  (မတ်လ ၂၇) ရက်နေ့  အထိမ်းအမှတ်အဖြစ် - 

ပြည်သူ့ တပ်မတော်သားများအား ဂုဏ်ပြု မှတ်တမ်းတင်ခြင်း။

အာဏာရှင်စနစ်လက်အောက်ကို ၁၉၆၂ ခုနှစ်ကနေ ကျရောက်ခဲ့ရတဲ့ မြန်မာပြည်သူပြည်သားတွေ ဘ၀ကို စာနာထောက်ထားပြီး၊ ပြည်သူတွေဘက်ကနေ မားမားမတ်မတ် ရပ်တည်ပေးခဲ့ကြတဲ့ ပြည်သူ့ တပ်မတော်သားတွေ ရှိကြပါတယ်။

အထူးသဖြင့် ပြည်သူလူထုတစ်ရပ်လုံးပါဝင်ခဲ့တဲ့ ၁၉၈၈ ခုနှစ်၊ အာဏာရှင်ဆန့် ကျင်ရေး ပြည်သူလူထုအရေးတော်ပုံကြီးအတွင်းမှာ တပ်မတော်အတွင်းကနေ ပြည်သူနဲ့  ပူးပေါင်းလက်တွဲခဲ့ကြသူ ပြည်သူ့ တပ်မတော်သားတွေ အများအပြားပေါ်ပေါက်ခဲ့ပါတယ်။


ထို့ အတူ တပ်မတော်သားတွေ ဖြစ်ခဲ့ကြတဲ့၊ ဗိုလ်ချူပ်တွေ ဖြစ်ခဲ့ကြတဲ့ ဗိုလ်ချူပ် (ဦး) သောင်းဒန်၊ ဗိုလ်ချူပ် (ဦး) တင်ဦး (အမျိုးသားဒီမိုကရေစီအဖွဲ့ ချူပ်) တို့ လို အဆင့်မြင့် တပ်မတော်အရာရှိကြီးတွေကအစ သာမာန်ရဲဘော်စစ်သား အထိ ပြည်သူတွေဘက်က ရဲဝန့် စွာ ရပ်တည်ပေးခဲ့ကြတဲ့ ပြည်သူ့ တပ်မတော်သားတွေ ရာဇ၀င်တွင်လောက်အောင် ရှိခဲ့ကြပါတယ်။

ပြည်သူကို ချစ်တဲ့ ပြည်သူ့ တပ်မတော်သားအချို့ ရဲ့  ဘ၀ဇာတ်ကြောင်း အတိုချုပ်လေးတွေကို တင်ပြရင်း လေးစားစွာ မှတ်တမ်းတင် ဂုဏ်ပြုလိုက်ပါတယ်။

ဗိုလ်မှူးကြီးဟောင်း ဦးစိန်မြ (အငြိမ်းစား)။

ဗိုလ်မှူးကြီးဟောင်း ဦးစိန်မြ (အငြိမ်းစား) ဟာ ၁၉၈၈ ခုနှစ်၊ ရှစ်လေးလုံးအရေးတော်ပုံကြီးနောက်ပိုင်း ၁၉၈၉ ခုနှစ်မှာ ထိုင်း-မြန်မာနယ်စပ်ဒေသကို ရောက်ရှိလာပြီးနောက်၊ နယ်စပ်ဒေသမှာ ရှိတဲ့ တော်လှန်ရေးအင်အားစုတွေနဲ့ အတူ အာဏာရှင်နအဖ ဆန့် ကျင်ရေးလှုပ်ရှားမှုတွေမှာ တက်တက်ကြွကြွနဲ့  ဦးဆောင်ပါဝင်ခဲ့သူဖြစ်ပါတယ်။ ပြည်သူ့ ကာကွယ်ရေးတပ်ဦးကို ထိုင်း မြန်မာနယ်စပ်မှာ ဦးဆောင်ဖွဲ့ စည်းပြီး အာဏာရှင်တွေကို တော်လှန်တိုက်ပွဲဝင်ခဲ့ပါတယ်။

တော်လှန်ရေးနယ်မြေဒေသမှာ ဆက်လက်နေထိုင်နေစဉ်မှာ ကျန်းမာရေးမကောင်းမွန်ဖြစ်ကာ ကွယ်လွန်သွားခဲ့ပါတယ်။

ဒုတိယဗိုလ်မှူးကြီးဟောင်း ဦးအေးမြင့် (အငြိမ်းစား)။
ဒုတိယဗိုလ်မှူးကြီးဟောင်း ဦးအေးမြင့်(အငြိမ်းစား)ဟာ တပ်မ (၄၄) တပ်မမှူးအဖြစ် တပ်မတော်မှာ တာဝန်ထမ်းဆောင်ခဲ့သူ ဖြစ်ပါတယ်။

ဒုတိယဗိုလ်မှူးကြီးဟောင်း ဦးအေးမြင့် (အငြိမ်းစား)ဟာ ၁၉၈၈ ခုနှစ်၊ ရှစ်လေးလုံးအရေးတော်ပုံကြီးနောက်ပိုင်းမှာ ထိုင်း-မြန်မာနယ်စပ်ဒေသကို ရောက်ရှိလာပြီးနောက်၊ နယ်စပ်ဒေသမှာ ရှိတဲ့ မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး (ABSDF) မှ ကျောင်းသားရဲဘော်တွေအတွက် စစ်သင်တန်းများကို ပို့ ချပေးခဲ့ရုံသာမက အာဏာရှင်နအဖ ဆန့် ကျင်ရေးလှုပ်ရှားမှုတွေမှာ တက်တက်ကြွကြွနဲ့  ပါဝင်ခဲ့သူဖြစ်ပါတယ်။

ယခုအခါမှာ သြစတြေလျနိုင်ငံမှာ အခြေစိုက် နေထိုင်လျက်ရှိပြီး အာဏာရှင်ဆန့် ကျင်ရေးလှုပ်ရှားမှုများကို ဆက်လက်ဆောင်ရွက်လှုပ်ရှားလျက် ရှိပါတယ်။

ဖေါ်ပြပါ ဓါတ်ပုံကတော့ ၁၉၉၁ ခုနှစ်၊ ထိုင်း မြန်မာနယ်စပ်တစ်နေရာမှာ ရိုက်ထားတဲ့ပုံ ဖြစ်ပါတယ်။

ဗိုလ်မှူး ဂျွန်လှဝင်း။

ဗိုလ်မှူးဂျွန်လှဝင်းဟာ လေတပ်မှ အငြိမ်းစား ဗိုလ်မှူးတစ်ဦးဖြစ်ပြီး၊ “လေသူရဲ တစ်ဦး” ကလောင်နာမည်နဲ့  စာရေးသားခဲ့သူ ထင်ပေါ်ကျော်ကြားသော စာရေးဆရာလည်း ဖြစ်ခဲ့ပါတယ်။ ၁၉၈၈ ခုနှစ် ရှသ်လေးလုံး ဒီမိုကရေစီ အရေးတော်ပုံကြီးမှာ တက်ကြွစွာ ပါဝင်လှုပ်ရှားခဲ့ပါတယ်။ ပြည်သူနဲ့ အတူ အာဏာရှင်ကို ဆန့် ကျင် တိုက်ပွဲဝင်ခဲ့လို့  ထောင်ဒဏ် (၂၀) နှစ် ကျခံခဲ့ရပါတယ်။

ဗိုလ်ကြီး အုန်းကျော်မြင့်။
ဗိုလ်ကြီးအုန်းကျော်မြင့်ဟာ ၁၉၇၆ ခုနှစ်တုန်းက တစ်ပါတီ မဆလ အာဏာရှင်နေ၀င်းကို လုပ်ကြံသတ်ဖြတ်ဖို့  ဆောင်ရွက်ခဲ့သူ ဖြစ်ပါတယ်။ မြန်မာပြည်သူပြည်သားတွေ အာဏာရှင်နေ၀င်းလက်အောက်မှာ ဆင်းရဲဒုက္ခရောက်နေတာတွေကို ပယ်ပျောက်စေဖို့ အတွက် အာဏာရှင်နေ၀င်းကို ဖယ်ရှားဖို့  ရဲဝန့် စွာလုပ်ဆောင်ခဲ့သူ ပြည်သူ့ တပ်မတော်သားတစ်ဦး ဖြစ်ပါတယ်။ ဆောင်ရွက်မှု အောင်မြင်ခါနီးမှာ အာဏာရှင်ရဲ့  ဖမ်းင်္ဆးခြင်းကို ခံခဲ့ရပြီး သေဒဏ်ပေးခြင်းခံခဲ့ရပါတယ်။

ဗိုလ်ကြီး စိုင်းဝင်းကျော်။
ဗိုလ်ကြီး စိုင်းဝင်းကျော်ဟာ တပ်မ (၂၂) ကဖြစ်ပြီး၊ ၁၉၈၈ ခုနှစ် ရှစ်လေးလုံးအရေးတော်ပုံကြီးအတွင်းမှာ ပြည်သူလူထုဘက်ကနေ မားမားမတ်မတ် ရပ်တည်ခဲ့သူ ဖြစ်ပါတယ်။ သူဟာ တပ်မတော်သား တွေ အားလုံး အံ့သြချီးကျူးရလောက်အောင် ဇနီးနဲ့ သားသမီးကိုတောင် မငဲ့ကွက်ဘဲ ရာထူး အဆောင်အယောင် စည်းစိမ်ဥစ္စာစွန့် လွှတ်ကာ ပြည်သူလူထုနဲ့  ရဲဝံ့စွာ ပူးပေါင်းခဲ့ပါတယ်။ ၁၉၈၈ ခုနှစ် စက်တင်ဘာလ (၁၈) ရက်နေ့  န၀တကနေ စစ်တပ်အာဏာသိမ်းမှု ဖြစ်သွားတဲ့အခါမှာ နယ်စပ်ဒေသသို့  ထွက်ပြေးတိမ်းရှောင်ခြင်း မရှိဘဲ ပြည်တွင်းမှာ ဆက်လက်နေထိုင်ခဲ့ပါတယ်။ နောက်ပိုင်းမှာ အာဏာရှင်တွေရဲ့  ဖမ်းဆီးခြင်းကို ခံရပြီး ပြည်သူ့ ဘက်ကို ရပ်တည်ခဲ့တဲ့ ဗိုလ်ကြီးစိုင်းဝင်းကျော်ကို အငြိုးကြီးစွာ သေဒဏ်ပေးခဲ့ပါတယ်။ သူရဲ့ မိတ်ဆွေအချို့ မှ သနားဂရုဏာသက်လို့  အသနားခံ ၀င်ပြောခဲ့ခြင်းကြောင့် တစ်သက်တစ်ကျွန်း ပြစ်ဒဏ်သို့  ပြောင်းလဲ ကျခံစေခဲ့ပါတယ်။ နောက်ပိုင်းမှာ လွတ်ငြိမ်းချမ်းသာခွင့်နဲ့  ထောင်မှ ပြန်လွတ်လာတဲ့အခါမှာလည်း ရပ်တည်ချက် ပြတ်သားပြီးတော့ အာဏာရှင်ကို ဆက်လက်ဆန့် ကျင်သူ ဖြစ်ပါတယ်။

ဗိုလ်ကြီး ၀င်းဘို။
ဗိုလ်ကြီး ၀င်းဘိုဟာ ထောင်တွင်းက နိုင်ငံရေး အကျဉ်းသားတွေရဲ့  ခံစားနေရတဲ့ ထောင်တွင်းဆိုးရွားမှုအခြေအနေကို ကိုယ်တိုင်ကိုယ်ကျ တွေ့ မြင်ရတဲ့အခါမှာ ရင်ထုမနာ ဖြစ်ခဲ့သူ ဖြစ်ပါတယ်။ ၂၀၀၀ ပြည့်နှစ်မှာ မန္တလေးမြို့ ၊ မဟာဂန္ဓာရုံကျောင်း၊ ရွှေကျင်ဆရာတော်ဘုရားကြီးနဲ့  သံဃာအပါး (၁၀၀၀) လက်မှတ်ရေးထိုးထားတဲ့ စာကို ဆရာတော်ကြီးရဲ့  ခွင့်ပြုချက်နှင့် ယူဆောင်ခဲ့ပြီး အာဏာရှင်တွေထံ ပေးပို့ ခဲ့ပါတယ်။

စာပါ အကြောင်းအရာတွေကတော့ မြန်မာနိုင်ငံရဲ့  လတ်တလော နိုင်ငံရေးဖြစ်စဉ်တွေနဲ့  တိုင်းပြည်ကောင်းကျိုးအတွက် ဦးနေ၀င်း၊ ဦးသန်းရွှေ၊ ဒေါ်အောင်ဆန်းစုကြည်တို့  အာဃာတ မထားဘဲ ဆွေးနွေးညှိနှိုင်းဖို ၊့ အကျဉ်းထောင်အသီးသီးက ဒုက္ခဆင်းရဲခံစားနေရတဲ့ နိုင်ငံရေးအကျဉ်းသားအားလုံးကို လွတ်ငြိမ်းချမ်းသာခွင့်ပေးဖို့  မေတ္တာရပ်ခံထားတဲ့စာ ဖြစ်ပါတယ်။ ဗိုလ်ကြီးဝင်းဘိုဟာ အဲဒီစာ ပေးမှုနဲ့  ထောင်ဒဏ် (၂၀) နှစ် ကျခဲ့ပါတယ်။ ထောင်အတွင်းမှာ ထောင် အာဏာပိုင်တွေရဲ့  မတရားအုပ်ချုပ်၊ လူ့ အခွင့်အရေး ချိုးဖောက်တာတွေကို အမှန်တရားဘက်က ကာကွယ်ရင်း ထောင်အာဏာပိုင်တွေက ရန်ငြိုးဖွဲ့  မတရား ရိုက်နှိက်ခဲ့မှုကြောင့် သူဟာ ထောင်တွင်းမှာ ကျဆုံးခဲ့ရပါတယ်။ သူ သေဆုံးတဲ့ နေ့  ကို “မြန်မာ့နိုင်ငံရေး အကျဉ်းသားများနေ့ ” အဖြစ် ဒီမိုကရေစီဘက်တော်သားများက ဂုဏ်ပြုသတ်မှတ်ခဲ့ကြပါတယ်။

ဗိုလ်ကြီးဟောင်း ဦးမင်းသိမ်း။
ဗိုလ်ကြီးဟောင်း ဦးမင်းသိမ်းဟာ ၁၉၈၈ ခုနှစ်၊ ရှစ်လေးလုံးအရေးတော်ပုံကြီးနောက်ပိုင်းမှာ ထိုင်း မြန်မာနယ်စပ်ဒေသကို ရောက်ရှိခဲ့ပြီး အာဏာရှင်ဆန့် ကျင်ရေးလှုပ်ရှားမှုမှာ တက်ကြွစွာ ဆောင်ရွက်ခဲ့ပါတယ်။ ယခုအခါမှာ တတိယနိုင်ငံတစ်နိုင်ငံမှာ အခြေစိုက်နေထိုင်လျက် ရှိပါတယ်။

တပ်ကြပ်ကြီးဟောင်း ဒေါ်နုနုအေး။
တပ်ကြပ်ကြီးဟောင်း ဒေါ်နုနုအေးဟာ တပ်မတော်မှတ်တမ်းရုံးက ဖြစ်ပါတယ်။ ၁၉၈၈ ခုနှစ် ရှစ်လေးလုံးအရေးတော်ပုံကြီးအတွင်းမှာ ပြည်သူလူထုနဲ့ လက်တွဲပြီး အာဏာရှင်ကို ရဲရဲတောက် ဆန့် ကျင်ခဲ့သူတစ်ဦး ဖြစ်ပါတယ်။ ထိုင်း မြန်မာနယ်စပ်ဒေသကို ရောက်ရှိလာခဲ့ပြီးနောက် တော်လှန်ရေးအင်အားစုများနဲ့ အတူတကွ အာဏာရှင်ဆန့် ကျင်ရေးကို ဆက်လက်ဆင်နွဲခဲ့ပါတယ်။
ထို့ နောက် အမေရိကန် နိုင်ငံသို့  ပြောင်းရွှေ့ အခြေစိုက်နေထိုင်နေစဉ် ကျန်းမာရေးမကောင်းမွန်ဖြစ်ကာ ကွယ်လွန်သွားခဲ့ပါတယ်။

တပ်ကြပ်ကြီးဟောင်း ရဲထွန်း။
တပ်ကြပ်ကြီးဟောင်း ရဲထွန်းဟာ ၁၉၈၈ ခုနှစ်၊ ရှစ်လေးလုံးအရေးတော်ပုံကြီးနောက်ပိုင်းမှာ ထိုင်း မြန်မာနယ်စပ်ဒေသကို ရောက်ရှိခဲ့ပြီး၊ နယ်စပ်ဒေသမှာ ရှိတဲ့ မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး (ABSDF) မှ ကျောင်းသားရဲဘော်တွေအတွက် စစ်သင်တန်းများကို ပို့ ချပေးခဲ့ရုံသာမက အာဏာရှင်နအဖ ဆန့် ကျင်ရေးလှုပ်ရှားမှုတွေမှာ တက်တက်ကြွကြွနဲ့  ပါဝင်ခဲ့သူဖြစ်ပါတယ်။ ထို့ နောက် အမေရိကန် နိုင်ငံသို့  ပြောင်းရွှေ့ အခြေစိုက်နေထိုင်နေလျက် ရှိပါတယ်။

တပ်ကြပ်ဟောင်း ကိုညိုမှိုင်း။
တပ်ကြပ်ဟောင်း ကိုညိုမှိုင်းဟာလည်း ၁၉၈၈ ခုနှစ်၊ ရှစ်လေးလုံးအရေးတော်ပုံကြီးနောက်ပိုင်းမှာ ထိုင်း မြန်မာနယ်စပ်ဒေသကို ရောက်ရှိခဲ့ပြီး၊ နယ်စပ်ဒေသမှာ ရှိတဲ့ မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး (ABSDF) မှ ကျောင်းသားရဲဘော်တွေအတွက် စစ်သင်တန်းများကို ပို့ ချပေးခဲ့ရုံသာမက အာဏာရှင်နအဖ ဆန့် ကျင်ရေးလှုပ်ရှားမှုတွေမှာ တက်တက်ကြွကြွနဲ့  ပါဝင်ခဲ့သူဖြစ်ပါတယ်။ ထို့ နောက် အမေရိကန် နိုင်ငံသို့  ပြောင်းရွှေ့ အခြေစိုက်နေထိုင်နေစဉ် ကျန်းမာရေးမကောင်းမွန်ဖြစ်ကာ ကွယ်လွန်သွားခဲ့ပါတယ်။

တပ်ကြပ်ဟောင်း ကိုရွှေဘ။
တပ်ကြပ်ဟောင်း ကိုရွှေဘဟာ ၁၉၈၈ ခုနှစ်၊ ရှစ်လေးလုံးအရေးတော်ပုံကြီးနောက်ပိုင်းမှာ ထိုင်း မြန်မာနယ်စပ်ဒေသကို ရောက်ရှိခဲ့ပြီး၊ နယ်စပ်ဒေသမှာ ရှိတဲ့ မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး (ABSDF) မှ ကျောင်းသားရဲဘော်တွေအတွက် စစ်သင်တန်းများကို ပို့ ချပေးခဲ့ရုံသာမက အာဏာရှင်နအဖ ဆန့် ကျင်ရေးလှုပ်ရှားမှုတွေမှာ တက်တက်ကြွကြွနဲ့  ပါဝင်ခဲ့သူဖြစ်ပါတယ်။

ကျောင်းသားများနဲ့ အတူ အာဏာရှင်အား ဆက်လက်တိုက်ပွဲဝင်ရင်း တော်လှန်ရေးရှေ့ စစ်မျက်နှာပြင်မှာ ရန်သူအာဏာရှင်လက်ချက်နဲ့  ကျဆုံးခဲ့ရပါတယ်။

တပ်ကြပ်ဟောင်း ကိုအောင်နိုင်။
တပ်ကြပ်ဟောင်း ကိုအောင်နိုင်ဟာ ကာကွယ်ရေးပစ္စည်းစက်ရုံမှ တပ်မတော်သားတစ်ဦး ဖြစ်ပြီး၊ ၁၉၈၈ ခုနှစ် ရှစ်လေးလုံးအရေးတော်ပုံကြီးအတွင်းမှာ ကျောင်းသားများနဲ့  လက်တွဲခဲ့ပြီး၊ ကျောင်းသားပြည်သူတွေနဲ့ အတူ အာဏာရှင်ဆန့် ကျင်ရေးကို တက်ကြွစွာပါဝင်လှုပ်ရှားခဲ့ပြီးနောက် ထိုင်း မြန်မာနယ်စပ်ဒေသကို ရောက်ရှိခဲ့ပါတယ်။

တပ်ကြပ်ဟောင်း ကိုသက်လွင်။
ကိုသက်လွင်ဟာ ကာကွယ်ရေးပစ္စည်းစက်ရုံမှ တပ်မတော်သားတစ်ဦး ဖြစ်ပြီး၊ ၁၉၈၈ ခုနှစ် ရှစ်လေးလုံးအရေးတော်ပုံကြီးအတွင်းမှာ ကျောင်းသားများနဲ့  လက်တွဲခဲ့ပြီး၊ ကျောင်းသားပြည်သူတွေနဲ့ အတူ အာဏာရှင်ဆန့် ကျင်ရေးကို တက်ကြွစွာပါဝင်လှုပ်ရှားခဲ့ပြီးနောက် ထိုင်း မြန်မာနယ်စပ်ဒေသကို ရောက်ရှိခဲ့ကာ မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (ABSDF) မှာ ကျောင်းသားတွေနဲ့  အတူ အာဏာရှင်ကို ဆန့် ကျင်တော်လှန်ခဲ့သူ ဖြစ်ပါတယ်။

ကိုသက်လွင်နဲ့ အတူ ကာကွယ်ရေးပစ္စည်းစက်ရုံမှ အခြားသော တပ်မတော်သားအနည်းငယ်လည်း အတူတစ်ကွ နယ်စပ်ဒေသကို ရောက်ရှိခဲ့ကြကာ မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (ABSDF) မှာ တာဝန်ထမ်းဆောင်ခဲ့ကြပါတယ်။ ကိုသက်လွင်ဟာ ယခုအခါမှာ အမေရိကန်ပြည်ထောင်စုမှာ အခြေစိုက် နေထိုင်လျက် ရှိပါတယ်။

ကိုသက်ဦး။
ကိုသက်ဦးဟာ တပ်မတော် (လေ) က တပ်မတော်သားတစ်ဦး ဖြစ်ပါတယ်။ ၁၉၈၈ ခုနှစ်၊ ရှစ်လေးလုံးအရေးတော်ပုံကြီးအတွင်း ပြည်သူနဲ့  လက်တွဲခဲ့ပြီး၊ နောက်ပိုင်းမှာ ထိုင်း မြန်မာနယ်စပ်ဒေသကို ရောက်ရှိခဲ့ကာ အာဏာရှင်နအဖ ဆန့် ကျင်ရေးလှုပ်ရှားမှုတွေမှာ တက်တက်ကြွကြွနဲ့ ဆက်လက်ဆောင်ရွက်ခဲ့ပါတယ်။ ယခုအခါမှာ သြစတြေလျနိုင်ငံမှာ အခြေစိုက် နေထိုင်လျက် ရှိပါတယ်။

၁၉၈၈ ခုနှစ်၊ ဒီမိုကရေစီရရှိရေး ရှစ်လေးလုံး ပြည်သူလူထုအရေးတော်ပုံကြီးအတွင်းမှာ တပ်မတော် (လေ) အမှတ် (၅၀၂) လေတပ်စခန်းမှ တပ်မတော်သားများဟာ ပြည်သူ လူထုနဲ့ ဦးစွာပထမ အင်တိုက်အားတိုက် လက်တွဲခဲ့ကြသူများ ဖြစ်ပါတယ်။

ကိုအေးမင်း။
ကိုအေးမင်းဟာလည်း ၁၉၈၈ ခုနှစ်၊ ရှစ်လေးလုံးအရေးတော်ပုံကြီးနောက်ပိုင်းမှာ ထိုင်း မြန်မာနယ်စပ်ဒေသကို ရောက်ရှိခဲ့ပြီး၊ နယ်စပ်ဒေသမှာ ရှိတဲ့ မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး (ABSDF) မှ ကျောင်းသားရဲဘော်တွေအတွက် စစ်သင်တန်းများကို ပို့ ချပေးခဲ့ရုံသာမက အာဏာရှင်နအဖ ဆန့် ကျင်ရေးလှုပ်ရှားမှုတွေမှာ တက်တက်ကြွကြွနဲ့  ပါဝင်ခဲ့သူဖြစ်ပါတယ်။ ထို့ နောက် အမေရိကန် နိုင်ငံသို့  ပြောင်းရွှေ့ အခြေစိုက်နေထိုင်နေလျက် ရှိပါတယ်။

ကိုဥာဏ်ထွန်း။
ကိုဥာဏ်ထွန်းဟာ တပ်မတော်သားတစ်ဦး ဖြစ်ပြီး၊ ၁၉၈၈ ခုနှစ် ရှစ်လေးလုံးအရေးတော်ပုံကြီးအတွင်းမှာ ကျောင်းသားများနဲ့  လက်တွဲခဲ့ပြီး၊ ကျောင်းသားပြည်သူတွေနဲ့ အတူ အာဏာရှင်ဆန့် ကျင်ရေးကို တက်ကြွစွာပါဝင်လှုပ်ရှားခဲ့ပြီးနောက် ထိုင်း မြန်မာနယ်စပ်ဒေသကို ရောက်ရှိခဲ့ပါတယ်။ နယ်စပ်ဒေသမှာ ရှိတဲ့ မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး (ABSDF) မှ ကျောင်းသားရဲဘော်တွေအတွက် စစ်သင်တန်းများကို ပို့ ချပေးခဲ့ရုံသာမက အာဏာရှင်နအဖ ဆန့် ကျင်ရေးလှုပ်ရှားမှုတွေမှာ တက်တက်ကြွကြွနဲ့  ပါဝင်ခဲ့သူဖြစ်ပါတယ်။

ကိုပိန်။
ကိုပိန်ဟာ တပ်မ (၄၄) ခမရ (၅) မှ တပ်မတော်သားတစ်ဦး ဖြစ်ပါတယ်။ ၁၉၈၈ ခုနှစ် ရှစ်လေးလုံးအရေးတော်ပုံကြီးအတွင်းမှာ မော်လမြိုင်မြို့ က ပြည်သူသပိတ်စခန်းမှာ ပါဝင်လှုပ်ရှားခဲ့ပါတယ်။ ၁၉၈၈ ခုနှစ်မှာဘဲ ထိုင်း မြန်မာနယ်စပ်ဒေသသို့  ရောက်ရှိခဲ့ပြီး၊ မြန်မာနိုင်ငံလုံးဆိုင်ရာကျောင်းသားများ ဒီမိုကရက်တစ်တပ်ဦး (ABSDF) သို့  ၀င်ရောက်ခဲ့ပါတယ်။ အာဏာရှင်အား ဆက်လက်တိုက်ပွဲဝင်ရင်း တော်လှန်ရေးရှေ့ စစ်မျက်နှာပြင်မှာ ရန်သူအာဏာရှင်ရဲ့ ပိတ်ဆို့ ခြင်းကို ခံရတဲ့အချိန်မှာ အညံ့ခံအရှုံးမပေးဘဲ မိမိကိုယ်ကို သူရဲကောင်း ပီသစွာနဲ့  အဆုံးစီရင်ခဲ့သူ ဖြစ်ပါတယ်။

အာဏာရှင်ဘက်ကို ဆန့် ကျင်ပြီး ပြည်သူတွေဘက်ကို ရဲရဲဝန့် ဝန့်  ရပ်တည်ပေးခဲ့ကြတဲ့ တပ်မတော်သားတွေမှ အမှန်တကယ် ပြည်သူ့ အသက်အိုးအိမ်စည်းစိမ် အကျိုးစီးပွားကို လက်တွေ့  ကာကွယ်စောင့်ရှောက်ပေးလိုတဲ့စိတ်ရှိသော ပြည်သူ့ တပ်မတော်သားတွေ ဖြစ်ကြပါတယ်။

တပ်မတော်ထဲ ၀င်ရောက်အမှုထမ်းကြတာ အဓိက ရည်ရွယ်ချက်က တိုင်းပြည်နဲ့  လူမျိုးအတွက် အမှန်တကယ်ဖြစ်တယ်ဆိုရင် တိုင်းပြည်နဲ့ ပြည်သူအကျိုးအတွက်ကိုသာ ဦးထိပ်ပန်ဆင်ပြီး၊ ကမ္ဘာ့နိုင်ငံတွေအကြားမှာ မိမိတိုင်းပြည်ရဲ့  ဂုဏ်သိက္ခာ မြင့်မားရေးအတွက် နာမည်ကောင်းနဲ့  ထင်ပေါ်ကျော်ကြားအောင် လုပ်ဆောင်ရမှာ ဖြစ်သလို၊ မိမိနိုင်ငံသူနိုင်ငံသားတွေကို ကာကွယ်စောင့်ရှောက်ပေးရမှာဖြစ်ပါတယ်။

လက်ရှိအာဏာရှင် သန်းရွှေနဲ့  စစ်ယူနီဖောင်းအရေခြုံ ဗိုလ်ချူပ်ကြီးတွေဟာ တိုင်းပြည်ကို အမည်ဆိုးတွင်အောင် လုပ်နေရုံသာမက၊ နိုင်ငံသူနိုင်ငံသားတွေ ဆင်းရဲတွင်းနက်အောင် အသက်အိုးအိမ်ဆုံးရှုံပျက်စီးအောင် လုပ်နေတယ်ဆိုတာ ပြည်သူတွေရဲ့  ပကတိ ဘ၀အခြေအေနတွေနဲ့  တိုင်းပြည်ရဲ နေရာဒေသအတော်များများကို ကြည့်ရင် တပ်မတော်သားတွေ သိကြပါတယ်။

ဒီအတွက် တပ်မတော်အတွင်းက လက်ရှိအရာရှိအရာခံ အကြပ်တပ်သားတွေကို ပြောချင်တာက ပြည်သူတွေဘက်ကို ရဲရဲဝန့် ဝန့်  ရပ်တည်ပေးကြပါ။ ပြည်သူတွေကို အာဏာရှင်လက်ကနေ ကာကွယ်ပေးကြပါ။ ပြည်သူ့ တပ်မတော်သားအဖြစ် ဂုဏ်ယူစွာနဲ့  အာဏာရှင်ဆန့် ကျင်ရေးကို လက်တွဲဆောင်ရွက်ပေးကြပါ။

သမိုင်းအစဉ်အဆက်မှာ ပြည်သူ့ တပ်မတော်သား ပီသသူတွေ ရှိခဲ့ကြပါတယ်။ လက်ရှိအရာရှိအရာခံ အကြပ်တပ်သားတွေလည်းဘဲ ပြည်သူ့ တပ်မတော်သား ပီသလို့ ရပါသေးတယ်။

ဘာလက်နက်မှ မရှိတဲ့ ပြည်သူတွေ သံဃာတော်တွေ ကျောင်းသူကျောင်းသားတွေကတောင် အာဏာရှင်ကို အသက်နဲ့ ရင်းပြီး ဆန့် ကျင်တော်လှန်ရဲကြသေးတာ တပ်မတော်သားတွေ လက်ထဲမှာ ပြည်သူကို ကာကွယ်စောင့်ရှောက်ဖို့  (အာဏာရှင်ကို ကာကွယ်စောင့်ရှောက်ဖို့  မဟုတ်တဲ့) တပ်ဆင်ပေးထားတဲ့ လက်နက်တွေရှိကြပါတယ်။ တပ်မတော်သားတွေသာ ပြည်သူဘက်ကို မားမားမတ်မတ် ရပ်တည်လိုက်ပြီဆိုတာနဲ့  ပြည်သူတစ်ရပ်လုံး ချက်ချင်းဆိုသလို အင်တိုက်အားတိုက် လက်တွဲကြမှာပါ။ အာဏာရှင်လက်တစ်စု ချက်ချင်း ပျောက်ကွယ်သွားမှာပါ။

တပ်မတော်သားတွေအနေနဲ့  တိုင်းပြည်နဲ့ လူမျိုးအတွက် ပြည်သူ့ တပ်မတော်သားအဖြစ် အမြန် ဖြစ်ပေါ်လာဖို့  မတ်လ (၂၇) ရက်နေ့ မှာ ကျရောက်တဲ့ “တော်လှန်ရေးနေ့ ” မှာ အထူးတိုက်တွန်းလိုက်ရပါတယ်။

အာဏာရှင်လက်ပါးစေ လက်ရုံးတပ်သား အဖြစ်လား၊ တပ်မတော်သားအမှန် ပြည်သူ့ စစ်သား စစ်စစ် အဖြစ်လားဆိုတာ မိမိကိုယ်တိုင်ကဘဲ ရွေးချယ် ဖြစ်မြောက်လို့  ရမှာပါ။

တော်လှန်ရေးကို ပြည်သူနဲ့  လက်တွဲပြီး ရဲရဲဝန့် ဝန့်  ဆင်နွဲကြပါစို့ ။

နစ်နေမန်း။

(ယခုဖေါ်ပြချက်တွင် မပါရှိသေးသော ပြည်သူ့ တပ်မတော်သားပီသသူများ များစွာ ကျန်ရှိနေပါသေးသည်။ ပြည်သူလူထုနှင့် လက်တွဲပူးပေါင်းကာ အာဏာရှင်ကို ဆန့် ကျင်တိုက်ပွဲဝင်ခဲ့သော အခြားသော တပ်မတော်သားများအား သိရှိသူများ ရှိပါက အီးမေးလ် niknayman.niknayman@gmail.com သို့  အကြောင်းကြား ဖေါ်ပြပေးစေလိုပါတယ်။ ပြည်သူ့  အသက်အိုးအိမ် အကျိုးစီးပွားအတွက် ပြည်သူ့ ဘက်မှ ရဲရဲဝန့် ဝန့် ရပ်တည်ခဲ့ကြသော ပြည်သူ့ တပ်မတော်သားများအဖြစ် ဆက်လက်ဖြည့်စွက် ဂုဏ်ပြုမှတ်တမ်းတင်ရန် ဖြစ်ပါတယ်)
။

တပ်မတော်နဲ့  ပြည်သူ လက်တွဲကြပြီး အာဏာရူး သန်းရွှေတို့ ကို တိုက်ထုတ်ကြပါစို့ ။

တပ်မတော်နဲ့  ပြည်သူ လက်တွဲကြပြီး အာဏာရူး သန်းရွှေတို့ ကို တိုက်ထုတ်ကြပါစို့ ။